Мерапрыемства

Ноч музеяў 2021. Быць “Сам-насам з мастацтвам”

Ноч музеяў 2021. Быць “Сам-насам з мастацтвам”

Нацыянальны мастацкі музей Рэспублікі Беларусь Галоўны корпус

22 мая ў рамках Міжнароднай акцыі “Ноч музеяў” прапануем нашым наведвальнікам унікальную магчымасць у камфортнай атмасферы і цішыні прайсціся па залах Мастацкага. Паверце, ідэальнае сузіранне мастацтва – гэта адзінота, засяроджванне, жаданне пачуць і адчуць твор.

У гэты дзень дзверы музея будуць адкрыты з 16:00 да 24:00.

Вы зможаце наведаць залы пастаяннай экспазіцыі “Рускае мастацтва XVIII – пачатку XX ст.”, а таксама даведацца больш пра выставачны праект “Чаму Ты Мяне пакінуў?” і пачуць разважанні куратара Дзмітрыя Салодкага а 17-й і 21-й гадзіне.

Дыялогу з прыгожым будзе спрыяць музыка ў выкананні скрыпічнага-фартэпіяннага дуэта Ad Libitum.

Дадатковым бонусам наведвальнікам “Ночы музеяў” стане спецыяльная прапанова ад кафэ «Культурнае жыццё» – зніжка 10 % на ўсё меню.

Наведванне мерапрыемства па ўваходным білеце ў музей: 4 руб. – для дарослых; 2 руб. – для навучэнцаў.