Вольга Налівайка – майстар з Мінска. Нарадзілася ў г. Мінску. Скончыла факультэт народнай культуры (цяпер факультэт эстэтычнай адукацыі) БДПУ імя Максіма Танка.
Ужо шмат гадоў працуе педагогам уЦэнтры дадатковай адукацыі дзяцей і моладзі “Маяк” г. Мінска. Выцінанкай займаецца з 2010 года. За гэты час стварыла мноства цікавых работ.
Удзельнічае ў розных выставах і конкурсах. У 2012 годзе ўдзельнічала ў конкурсе па выцінанцы “Ажурныя мары” ў горадзе Віцебску. У снежні 2015 года прыняла ўдзел у Міжнароднай навукова-практычнай канферэнцыі “Выразанне з паперы ў Літве і свеце. Развіццё, перспектывы”, якая праходзіла ў Вільнюсе. У чэрвені 2016 годабрала ўдзел у Міжнародным сімпозіуме па вырэзванні з паперы ў горадзе Маладзечне;улетку 2018 годаў Міжнародным пленэры па выцінанцы ў Літве.
Работы Вольгі Налівайка знаходзяцца ў зборы Дамадзедаўскага гісторыка-мастацкага музея (Расія, Маскоўская вобл., г. Дамадзедава), у Мастацкай галерэі “Вільнюс” (г. Мінск), у калекцыі каледжа імя Агінскага (г. Маладзечна).
На выставе прадстаўлены серыі работ “Поры года”, “Букет”, “Веер”, “Дрэва жыцця” і інш.
У рамках выставы 20 мая а 16-й гадзіне пройдзе майстар-клас па стварэнні паштовак ручной работы.
Выстава будзе працаваць
да 29 чэрвеня 2023 года
