Дзень абароны дзяцей – адно з настарэйшых міжнародных святаў, якое адзначаецца штогод 1 чэрвеня з 1950 года. Шматлікія культурныя мерапрыемствы, якія арганізоўваюцца ў гэтыя дні ў розных краінах свету, закліканы не толькі забаўляць удзельнікаў, але і нагадваць пра неабходнасць адстойваць правы дзіцяці і дарыць кожнаму маленькаму чалавеку павагу і цяпло.
Мастацкі музей далучаецца да Міжнароднага дня абароны дзяцей з разнастайнай і насычанай праграмай, якая мае на мэце аб’яднаць усіх дзяцей з асаблівасцямі і без, стварыць для іх камфортны і даступны асяродак у музейнай прасторы. Мы прапануем нашым наведвальнікам праявіць і развіць свае творчыя здольнасці, зразумець і адчуць творы мастацтва, узаемадзейнічаць з імі рознымі спосабамі.
У межах мерапрыемства вас чакаюць:
- Майстар-класы ад мастачкі Аляксандры Страшко і скульптара Вольгі Орсік;
- Тэматычныя экскурсіі;
- Інклюзіўныя праграмы з удзелам прадстаўнікоў праекта Belonika Art і школы-студыі “Вышэй за дах”;
- Сустрэча з псіхолагам Мінскага гарадскога цэнтра сацыяльнага абслугоўвання сям’і і дзяце” і работа з метафарычнымі картамі;
- Выстава “Неба. Мора. Аблокі”;
- Творчыя лакацыі для самастойнага баўлення часу дзецям і бацькам.
Кожнага маленькага наведвальніка чакаюць падарункі ад партнёраў свята – кандытарскай фабрыкі “Камунарка” і брэндаў тавараў для дзіцячай творчасці “Цветик” и “Я – художник”. Арт-кафэ “Культурнае жыццё” таксама далучаецца да святкавання з акцыяй “Сок і круасан – усяго за 3 рублі”.
Уваход на мерапрыемства – па білеце ў музей.
Даведкі па тэл.: +375 (17) 379-45-62, +375 (17) 342-87-87
Партнёры свята: брэнды тавараў для дзіцячай творчасці “Цветик” і “Я – художник”, кандытарская фабрыка “Камунарка”.
ПРАГРАМА
Выставы для дарослых і дзяцей з 11.00 да 19.00:
“Неба. Мора. Аблокі”;
“Чаму Ты мяне пакінуў…”;
“Макоўскія”, прымеркаваная да 175-годдзя з дня нараджэння выдатнага рускага мастака Уладзіміра Ягоравіча Макоўскага (1846–1920);
Выстава сучаснай скульптуры В. Орсік і С. Аганава Touch Gallery.
СТВАРАЙ
Майстар-клас “Скульптура” ад Вольгі Орсік 5+ (па папярэднім запісе)
12.30–13.15
13.30–14.15
Майстар-клас “Малюнак, жывапіс” ад Аляксандры Страшко 5+ (па папярэднім запісе)
12.00–12.45
13.00–13.45
Творчыя майстэрні на вялікай галерэі 3+: аплікацыя, размалёўка, чароўны пясок, фотазона “У аблоках”
14.00–19.00
АДЧУВАЙ
Інклюзіўная праграма
Творчая лакацыя праекта Belonika Art для наведвальнікаў з парушэннямі зроку і ўсіх жадаючых: дэманструем прыкладанне, з дапамогай якога адбываецца знаёмства асаблівых дзетак са светам колеру і фарбаў, глядзімвыставу твораў дзетак з парушэннямі зроку, знаёмім усіх жадаючых з шрыфтам Брайля.
Творчая лакацыя ад школы-студыі “Вышэй за дах” для наведвальнікаў з парушэннямі слыху і ўсіх жадаючых: вучымся мове жэстаў, малюем на мальбертах, маем зносіны карысна.
Кранальная выстава скульптуры Touch Gallery 0+
ПАЗНАВАЙ
Public Talk і знаёмства з метафарычным картамі для дарослых з Пачэпка Наталляй Рыгораўнай, псіхолагам Мінскага гарадскога цэнтра сацыяльнага абслугоўвання сям’і і дзяцей, загадчыка аддзялення псіхалагічнай дапамогі сям’і і дзецям.
12.00–12.45
13.00–13.45
Інтэрактыўная праграма «Таямніцы “ціхага жыцця”» для дзяцей ад 7 да 9 гадоў (па папярэднім запісе)
11.00–11.30
16.00–16.30
Арт-лабараторыя для дзяцей ад 5 да 7 гадоў (па папярэднім запісе)
15.00–16.00
* занятак праходзіць без бацькоў
Для ўсіх гасцей самая яркая, запальная і музычная імпрэза ад “Вар’яцкага калектыўчыку ГУЗІКІ” 0+
18.00–19.00
А таксама аквагрым з 12.00 да 15.00, кубікі, квэст па залах “Рускае мастацтва”, падарункі ад партнёраў свята – кандытарскай фабрыкі “Камунарка” і брэндаў тавараў для дзіцячай творчасці “Цветик” и “Я – художник”. а падсілкавацца можна ў музейным кафэ “Культурнае жыццё” – спецыяльная прапанова “Сок і круасан” усяго за 3 руб.
