Мастак-ілюстратар Бабок Кацярына Пятроўна нарадзілася ў 1969 годзе ў Мінску.
Скончыла мастацка-графічны факультэт ВДПІ.
Займаецца ілюстраваннем кніг, вырабам рэкламна-сувенірнай прадукцыі, распрацоўкай вобразаў кніжных персанажаў. Супрацоўнічае з вядучымі расійскімі, беларускімі і замежнымі выдавецтвамі такімі, як “Издательский Дом Мещерякова”, “Антология”, “Фламинго”, “Качели”, і многімі іншымі.
Працуе Кацярына ў тэхніцы растравай (лічбавай) графікі.
На выставе прадстаўлены работы, прысвечаныя дзяцінству, што займае цэнтральнае месца ў творчасці аўтара. Наведвальнікі выставы змогуць паглыбіцца ў свет дзяцінства і ўспомніць самыя дарагія моманты з жыцця: адпачынак у вёсцы ў бабулі і на моры, гульні з сябрамі, сямейнае чытанне казак, сваю першую настаўніцу і першае школьнае каханне.
2020 год – першае месца на Міжнароднай кніжнай выставе за лепшыя ілюстрацыі дзіцячай кнігі (Мінск, Беларусь).
2020 год – узнагароджана юбілейным медалём “Запаведнік казак” (Масква, Расія).
2021 год – удзел у выставе ілюстрацый у рамках Міжнароднага дня дзіцячай кнігі на ВДНГ (Масква, Расія).
2023 год – узнагароджана дыпломам і медалём імя Васіля Віткі за ілюстрацыі да вокладак дзіцячага часопіса “Вясёлка” (Мінск, Беларусь).
Творчасць Кацярыны Бабок прасякнута дзіцячай непасрэднасцю, шчасцем і радасцю жыцця.
Выстава працягнецца
да 27 кастрычніка 2023 года
