22 снежня ў Мастацкім адкрыецца выстава “Віктар Грамыка. Абняць неабдымнае”, прысвечаная 100-годдзю з дня нараджэння мастака.
Віктар Аляксандравіч Грамыка – чалавек свайго няпростага часу, які сфарміраваў светапогляд цэлага пакалення. Вопыт ваенных гадоў вызначыў асобае разуменне каштоўнасці чалавека, зямлі, часу і памяці. Гэтыя простыя словы, якія прынялі маштабы катэгорый, сталі асновай жыццёвага і творчага шляху мастака, таленавітага партрэтыста, майстра сюжэтна-тэматычнай карціны і пейзажа.
Імя мастака стала сінонімам манументальнасці, прастору і шыраты, якіх можна дасягнуць у пейзажным мастацтве. Ён імкнуўся “абняць неабдымнае – увесь велізны свет”, таму ў працах увасобіў планетарнае адчуванне яго маштабаў.
Работа выставы працягнецца
да 22 студзеня 2023 года
