Альгерд Малішэўскі. Рэтраспекцыя

Альгерд Малішэўскі. Рэтраспекцыя

Нацыянальны мастацкі музей Рэспублікі Беларусь Галоўны корпус

21 кастрычніка ў Нацыянальным мастацкім музеі адкрыецца выстава “Альгерд Малішэўскі. Рэтраспекцыя”, прысвечаная творчасці Альгерда Адамавіча Малішэўскага, заслужанага дзеяча мастацтваў БССР (1977).

Прафесійную адукацыю Альгерд Малішэўскі атрымаў у Харкаўскім дзяржаўным мастацкім інстытуце. Вучыўся ў вядомых дзеячаў мастацтваў –Пятра Іванавіча Котава і Дзмітрыя Мікалаевіча Шавыкіна. Пасля заканчэння інстытута (1952) вярнуўся ў Беларусь. І ў наступным годзе пачынаецца яго выкладчыцкая дзейнасць, якая стала легендарнай. У Мінскім мастацкім вучылішчы ён працаваў 28 гадоў. У 1956 годзеў ступіў у Саюз мастакоў БССР.

 Малішэўскі быў адным з тых мастакоў, хто дапамагаў таленавітай   моладзі. Ён быў адным з нямногіх, хто падтрымаў забароненую выставу 1985 года “1+1+1+1+1+1=6” у Доме літаратараў, а таксама з энтузіязмам успрыня стварэнне мастацкага аб’яднання “Няміга’17”. Акрамя таго, мастак быў удзельнікам адной з выстаў гэтага аб’яднання, якая прайшла ў 1988 годзе ў Палацы прафсаюзаў, дзе былі прадстаўлены дваццаць палотнаў майстра. 

Альгерд Адамавіч Малішэўскі рана пайшоў з жыцця (22 лістапада 1989 года). Уся яго творчасць гэта пастаянныя пошукі, імкненне да філасофскага асэнсавання творчасці. 

Мастак працаваў у тэхніцы алейнага жывапісу, яго прыцягвалі многія жанры партрэт, пейзаж, тэматычная карціна, нацюрморт; усё падвяргалася пераасэнсаванню і пошуку свайго вобразнага дэкаратыўна-пластычнага почырку. Творчасць Альгерда Адамавіча Малішэўскага можна падзяліць на перыяды. Раннім працам 1950–1960-х гадоў уласціва пленэрнасць. Для работ 1970-х – пачатку 1980-х гадоў характэрна дбайная прапрацоўка вобразаў. Будаўнікі, калгаснікі, урачы, дзеячы мастацтва і іншыя нярэдка становяцца героямі яго палотнаў. У працах, прысвечаных тэме вайны, аўтар надае   большу вагістварэнню вобразаў маці. У жывапісе гэтага перыяду можна адзначыць імкненне А. Малішэўскага не толькі надаць характэрныя і індывідуальныя рысы партрэтаваным, але і стварыць абагульненыя вобразы. Ужо ў 1980-х гадах мастак адыходзіць ад фігуратыўнага жывапісу, і ўсё больш звяртаючыся да абстрактных формаў. 

На выставе экспануюцца работы з фондаў Нацыянальнага мастацкага музея, Беларускага саюза мастакоў і работы з сям’і мастака.

Работа выставы працягнецца 
да 7 снежня 2022 года