Чыстае Мастацтва

Чыстае Мастацтва

Нацыянальны мастацкі музей Рэспублікі Беларусь Галоўны корпус

З 24 сакавіка 2023 года ў Нацыянальным мастацкім музеі пачне працаваць выставачны праект “Чыстае мастацтва”. Гэта ўнікальная магчымасць пазнаёміцца з творчасцю мастакоў, якія жывуць у псіханеўралагічным доме-інтэрнаце для састарэлых і інвалідаў № 2 горада Мінска. Гэтыя людзі – творцы ад душы і для душы. Іх працы здаюцца наіўнымі, часам крыху дзіўнымі і ў той жа час цікавымі і прыцягальнымі.

Некаторыя з іх пражылі нармальнае паўнацэннае жыццё, мелі работу, сям’ю і дзяцей, але ў выніку траўмы, генетычнага збою, інфекцыі апынуліся ў замкнёных рамках сваёй хваробы. Некаторыя не змаглі скончыць нават дапаможнай школы, іншыя ж не ўмеюць чытаць і пісаць… Але паглядзіце на гэтыя жыццярадасныя фарбы і чыстыя формы!

Экспазіцыю дапоўнілі і разнастаілі творчыя работы дзяцей з парушэннем слыху, якія вучацца ў інклюзіўнай арт-школе “Вышэй за дах”. Гэтыя маленькія мастакі інакш бачаць свет і маюць высокі глядзельны інтэлект.

Хочацца адзначыць агульную схільнасць і тых і другіх мастакоў у выкарыстанні яркіх колераў, кантрасных тэкстур і аб’ёмаў, часта прыдуманых або перамешчаных са штодзённасці ў адмысловае арт-асяроддзе.

Мы часта забываемся аб тым, што побач з намі жывуць вельмі таленавітыя і моцныя людзі, якія, нягледзячы на сваю цяжкую, невылечную хваробу, імкнуцца тварыць, каб асэнсавана жыць, быць патрэбнымі і цікавымі. Гэтая выстава – доказ таго, што людзі з асаблівасцямі псіхічнага і фізічнага развіцця вельмі таленавітыя і камунікабельныя, яны гатовы падзяліцца сваім успрыманнем свету з усімі з намі.

 

Куратар праекта – Марына Трафімава, вядучы навуковы супрацоўнік аддзела навукова-асветніцкай работы

 

Работа выставы працягнецца 
да 29 мая 2023 года

іншыя выставы
Маці Божая Жыровіцкая
Маці Божая Жыровіцкая

Нацыянальны мастацкі музей Рэспублікі Беларусь

Выстава “Свет мастацтва ў свеце фарфору” з калекцыі Віктара Суворава
Выстава “Свет мастацтва ў свеце фарфору” з калекцыі Віктара Суворава

Музей Дом Ваньковічаў

Архітэктурная спадчына...кропкі...
Архітэктурная спадчына...кропкі...

Нацыянальны мастацкі музей Рэспублікі Беларусь

Выстава мастака Паўла Абадзінскага “Архітэктура родных мясцін”
Выстава мастака Паўла Абадзінскага “Архітэктура родных мясцін”

Музей Дом Ваньковічаў

  • 220030, Мінск
    вул. Леніна, 20

  • панядзелак, аўторак, серада, пятніца - нядзеля

    з 11:00 да 19:00

  • чацвер

    з 13:00 да 21:00

  • Каса і Музейная крама

  • панядзелак, аўторак, серада, пятніца - нядзеля

    з 11:00 да 18:30

  • чацвер

    з 13:00 да 20:30

  • 223054, Мінская вобласць, Мінскі раён, Астрашыцка-Гарадоцкі в/с, в. Аколіца
    вул. Іванаўская, 17Б

  • серада - нядзеля

    з 10:00 да 17:00

  • Каса

    з 10:00 да 16:30

  • панядзелак - аўторак

    выходныя дні