На лекцыі пагаворым аб тым, што ўяўляюць сабой этнічныя стэрэатыпы і якую ролю яны маюць у разуменні этнакультурнай ідэнтычнасці. Разам з лектарам госці музея змогуць разгледзець тэму этнічнай стэрэатыпізацыі і міжкультурнага ўзаемадзеяння скрозь прызму філасофіі і жывапісу XVIII – сяр. XX ст.
На прыкладзе мастацкіх твораў будзе паказана роля жывапісу ў рэтрансляцыі гістарычных падзей і ў канцэптуальным асэнсаванні розных этнакультурных праблем. Слухачы даведаюцца аб вытоках павышанай увагі да дадзенай тэматыкі ў перыяд з XVIII – па сяр. XX ст. і разам з лектарам абмяркуюць пытанні, цесна звязаныя з гэтым складаным і шматаспектным феноменам.
Лекцыю чытае Вольга Курбачова, кандыдат філасофскіх навук, дацэнт БДУ.
Наведаць мерапрыемства можна па ўваходным білеце ў галоўны корпус музея.
Папярэдняя рэгістрацыя не патрабуецца.
