1 кастрычніка 2026 года а 17-й гадзіне ў сяродкрыжжы Нацыянальнага мастацкага музея Рэспублікі Беларусь (вул. Леніна, 20, уваход праз вул. К. Маркса, 24) адбудзецца ўрачыстае адкрыццё выставачнага праекта “Мастацтва шаўковага шляху: душа рамяства, адлюстраванні над аблокамі. Кітайска-Беларуская мастацкая выстава” (Кітайская Народная Рэспубліка).
Дружалюбныя адносіны Кітайскай Народнай Рэспублікі і Рэспублікі Беларусь маюць доўгую гісторыю.
Увазе гледачоў будуць прадстаўлены ўзоры традыцыйнага жывапісу, твораў з лаку, металу, каменя, керамікі і дрэва сучасных майстроў. Па тэматыцы яны адносяцца як да міфалагічных вобразаў, сакральных прадметаў, так і ўяўляюць сабой сімвалічныя, алегарычныя вобразы. Усе яны выкананы пад уплывам шматтысячагадовай гісторыі і многавяковых традыцый. Разам з імі гледачы будуць мець магчымасць пазнаёміцца з творамі сучасных беларускіх майстроў, якія чэрпаюць натхненне з кітайскай культуры. Іх творчасць – шматгранны сінтэз усходніх матываў і беларускага духу.
Нашачу гледачу прапануецца адчуць дружалюбны дыялог культур, якія знаходзяць апору ў традыцыі.
У экспазіцыю ўключаны выкананыя ў розных традыцыйных тэхніках і матэрыялах творы сучасных майстроў Кітайскай Народнай Рэспублікі і Рэспублікі Беларусь.
Выстава “Мастацтва шаўковага шляху: душа рамяства, адлюстраванні над аблокамі. Кітайска-Беларуская мастацкая выстава” будзе экспанавацца з 1 па 30 кастрычніка 2026 г. у выставачным корпусе (вул. К. Маркса, 24, 3 паверх).
