Чаму менавіта “Філасофія з дзецьмі ў Мастацкім”?
У працэсе заняткаў дзеці даведаюцца пра навуковыя адкрыцці, цесна звязаныя з развіццём мастацтва, пачынаючы са старажытных часоў і заканчваючы сучаснасцю: з чаго рабіліся фарбы, палатно і іншыя прадметы мастацтва ў розныя эпохі; першыя анатамічныя атласы; алхімія прыгатавання фарбаў; аптычныя ілюзіі, зваротная і прамая перспектыва; гібрыдныя формы сучаснага мастацтва, якія выходзяць насустрач навуковым лабараторыям.
Юныя даследчыкі пазнаёмяцца з творамі мастакоў розных перыядаў, даведаюцца пра асаблівасці іх падыходаў, цесна звязаныя з развіццём навуковых і філасофскіх ведаў; навучацца асэнсоўваць змест прадметаў мастацтва, паглыбляцца ў свет уласных унікальных інтэрпрэтацый і значэнняў, весці дыскусіі на жыццёва важныя тэмы і разважаць аб прыгажосці і гармоніі ў прыродзе і мастацтве.
Праграма разлічана на азнаямленне дзяцей з адаптаванымі да дзіцячага ўспрымання ключавымі філасофскімі і навуковымі ідэямі, паняццямі пра свет, мастацтва, чалавека, культуру; фарміраванне даследчых уменняў, крытычнага і творчага мыслення, дыялагічных спосабаў узаемадзеяння і этыка-эстэтычнага ўспрымання твораў.
Методыкі і падыходы філасофіі з дзецьмі накіраваны на стварэнне спрыяльнага асяроддзя навучання і сіметрычных адносін дзяцей і выкладчыка. У рэалізацыі праграмы будзе скарыстаны шэраг вучэбна-метадычнай літаратуры і інавацыйных ініцыятыў, створаных на базе Інстытута філасофіі Нацыянальнай акадэміі навук Беларусі.
Калі: па нядзелях у 12:00
Для каго: дзеці ад 7 да 10 гадоў
Працягласць аднаго занятку: 45 хвілін
Кошт занятку: 10 руб. для дзяцей
Заняткі будуць праводзіцца навуковым супрацоўнікам Інстытута філасофіі НАН Беларусі, філосафам, спецыялістам у галіне філасофіі дзяцінства, філасофіі з дзецьмі Даронінай Святланай.
ЗАПІС НА ПРАГРАМУ СПЫНЕНЫ!
