Партрэт Ганны Пятроўны Кутайсавай - Нацыянальны Мастацкі Музей Рэспублікі Беларусь

Фёдар Рокатаў увайшоў у гісторыю рускага жывапісу як майстар камернага партрэта.

Невялікі па фармаце “Партрэт Ганны Кутайсавай” просты па кампазіцыі. Мастак свядома адмаўляецца ад любых знешне эфектных рашэнняў, каб асноўную ўвагу засяродзіць на твары гераіні, перадаць складаную гаму пачуццяў, якія яна перажывае. Сум, лёгкае какецтва, сумненне, затоенае чаканне, нясмеласць, незразумелае хваляванне і, напэўна, нешта яшчэ… Таямнічая недаказанасць – самая прыцягальная якасць партрэтаў Рокатава.

Адмысловую мастацкую каштоўнасць у творах мастака ўяўляе каларыт. Пабудаваны на шматлікіх ледзь улоўных адценнях колеру, ён нараджае адчуванне лёгкай смугі, якая ахутвае персанаж. Выява здаецца бязважкай, як бы які растае на нашых вачах. Такая манера пісьма – без адзінай рэзкай лініі і выразнага контуру – падкрэслівае адухоўленасць і паэтычнасць вобразаў, створаных Фёдарам Рокатавым.