Урок музыкі - Нацыянальны Мастацкі Музей Рэспублікі Беларусь

Арсеній Шурыгін – мастак, які пражыў нядоўгае жыццё і пакінуў пасля сябе зусім невялікую мастацкую спадчыну (на сённяшні дзень вядома не больш за дзесяць карцін), якая, аднак, надзвычай цікавая. Біяграфія Шурыгіна шмат у чым тыповая для мастакоў таго часу: у 1860-х гадах вучыўся ў Акадэміі мастацтваў, атрымаў званне вольнага мастака, быў сябрам Арцелі мастакоў пад кіраўніцтвам В. М. Максімава, маляваў для ілюстраваных выданняў.

Карціна “Урок музыкі” паказвае мастака тонкім назіральнікам жыцця, які ўмее бачыць выдатнае ў паўсядзённым ці нават з гэтага нічым не характэрнага, паўсядзённага зрабіць прыкметны мастацкі факт. Ён цікава працуе з кампазіцыяй, размяшчаючы мадэляў дыяганальна ўглыб прасторы, аднак, выбудоўваючы малую, камерную, утульную хатнюю прастору, акцэнтуе светлай плямай сукенкі маленькай піяністкі візуальны цэнтр карціны. Нягледзячы на вельмі стрыманую, можна сказаць, будзённа-працоўную, колеравую гаму, карціна напоўнена дзіўным лірызмам дзіцячага свету.